 |
P I E N Z E
Abbie a penzà pecché se fa l’ammore. L’ammore! Ma che vò significà? Pecché primma se nasce e po se more e po se nasce ancora pe murì?
Abbie a penzà si ‘o sole sta sultanto pe schiarà juorno o pe scarfà sta terra, si tu nun sì nisciuno o sì mpurtante, si è meglio ‘a pace o forse è meglio ‘a guerra.
Abbie a penzà comm’è ca l’erba cresce ncopp’a na terra morta e avvelenata? Comm’è ca s’accummencia e se fernesce e s’accummencia ancora pe fernì?
Abbie a penzà che sì dint’a sta rota c’afforza nuje vulessemo fermà? Pecché te fa paura ‘o terramoto e nun te fa paura ‘a verità?
Pienzece, e forse abbie a capì quaccosa. Pienze, ca si ce pienze nu mumento può darse ca sta vita è ‘n ata cosa e ca se pò murì pure cuntento. |
