Eppure stongo cà miez’ a sta via
vita e materia can un se cunsumma
…e tutto è sempe stato tale e quale
pure stu cielo ca s’è fatto ‘e chiummo
E nun esiste ‘o nniente
né ‘o nniente se pò dicere vacante
si rieste fermo o scinne sempe nfunno
o t’addimanno ‘a solita domanda
chi sì? Pecché? Ma quando?
Songo domande inutile
ma ij m’ ‘e ffaccio sempe
te fanno sentì buono
te fanno stà presente
Pecché ‘n cè stato ‘o pprimma
né ‘o doppo ce starrà
e nuje ca ‘o dimannammo
nuje simmo ‘a vertità
Nuje simmo ‘a verità ma tutto cagna
e tutto resta sempe tale e quale
si pienze ‘e turnà a nascere… pe nu cagnà.
